القلب يحزن والمدامع غزيره

هذي قصيده ابكتني قالها منشد في امه

القلب يحزن والمدامع غزيرة*** في جوفي نار من لهبها تباكيت
والدار ظلما كانت امي تنيره***يايمه وينك من دونك خلا البيت
قلبي تفطر على الفرقى المريره**امــنت بالله وباقـــداره ترضيت
الموت حقٍ وكلن له مصيره*** وموت النبي قبلك يايمه تعزيت
هذا جلالك وريحك في عبيره***كل يوم اشمه والا شفته تهنيت
صوتك يايمه يامحلى اثـــــيره***حنانك يمه يــــخليني تدفـــيــت
من يوم رحتي والمشاعر اسيره*** محد افضفض له وبصمتي تسجيت
يايمه منهو اجي له واستشيره*** يعدلني الا شفت الصواب وتنحيت
يايمه كلن يناظرني بحيره***من يوم رحتي وانا اللي ماتواسيت
يوم كنتي عندي وكني امير ديره** كلن يناديني ويقول لي تعال هيت
يوم رحتي يمه وكني في جزيره**وحيد فيها عن الناس تواريت
اجي دويخ في وقت الظهيرة***محدٍ سال عني يقول لي تغديت
وابيت ليلي وعيوني سهيره***وكم من ليالي نايمٍ ما تعشيت
ظروف يمه تواجهني عسيره***الشكوى لله بظروفي تعنيت
ياكم تعلمت من معاني غزيرة**يامنهل التعليم منك تربيت
كم قصة قلتي وللماضي نسيره*** والا جيت عندك سواليفك تسليت
اه يايمه النظرات الاخيره ***مليت كفي تراب ثم حثيت

اللهم اغفر لموتى المسلمين

# شكرااااااااااااااا على مواضيعك الأحلى #

العفو مشكووووووووووووووره

شكرا أنشوده موحزنه